Fram fær bráðum glæsilegt íþróttasvæði í Úlfarsárdal en félagið hefur lengi beðið eftir því að geta flutt sig þangað.
Nú á að klára verkið og verður allt tilbúið árið 2022 ef allt gengur upp. Framkvæmdin er fullnaðarfrágangur við íþróttamiðstöð fyrir íþróttafélagið Fram í Úlfarsárdal ásamt lóð, dæluhúsi, lýsingu keppnisvallar og undirbyggingu fyrir keppnis- og æfingavöll ásamt girðingu umhverfis íþróttasvæðið. Byggingin er sunnan við Úlfarsbraut og er austasti hluti byggingarkeðju mannvirkja við Úlfarsbraut 122-126 í Úlfarsárdal.
Vakin er sérstök athygli á því að verkkaupi hyggst fá alþjóðlega umhverfisvottun samkvæmt BREEAM, „exellent“ á nýbygginguna en slíkt vottunarferli tekur til margra þátta á byggingarstað.
Þannig fær félagið glæsilegan knattspyrnuvöll sem er með 1600 manna stúku en gervigras verður á vellinum. Mynd af vellinum má sjá hér að neðan.