Því er haldið fram að Eiður Smári Guðjohnsen og tæplega 290 aðrir leikmenn séu enn á launaskrá hjá Barcelona. Það sé vegna þess að þeir hafi verið í liði Börsunga sem hefur orðið Evrópumeistari.
Juan Carlos Heredia, segir í samtali við spænska miðla að þetta hafi verið ákveðið árið 2009. Eiður Smári var í liði Börsunga árið 2009 þegar liðið vann Meistaradeildina.
Juan Laporte, þá forseti Börsunga ákvað þetta en ekki kemur fram hvaða upphæð þessir leikmenn fá mánaðarlega. Um er að ræða leikmenn sem lagt hafa skóna á hilluna.
Eiður kom ekki við sögu í úrslitaleiknum árið 2009 þegar Barcelona vann sigur á Manchester United í Róm.
Eiður Smári er í dag aðstoðarþjálfari U21 árs landsliðsins og sérfræðingur Símans í enska boltanum.