Vincent Kompany yfirgaf lið Manchester City í sumar en hann er í dag spilandi þjálfari Anderlecht í Belgíu.
Kompany var fyrirliði City í langan tíma en hann ákvað að róa á önnur mið í sumar.
Það voru þó tveir leikmenn sem reyndu verulega að sannfæra Belgann um að vera áfram í Manchester.
,,Stærsta hrósið sem ég fékk var frá David Silva. Hann reyndi að sannfæra mig um að vera áfram,“ sagði Kompany.
,,Sergio Aguero gerði það sama. Að fá svona stóra leikmenn til að spyrja mig að þessu var svo gott.“
