Jose Mourinho, fyrrum stjóri Chelsea, hefur stórar áhyggjur af varnarvinnu liðsins undir Frank Lampard.
Lampard hefur gert góða hluti með Chelsea hingað til en Mourinho hefur enn áhyggjur af vörn liðsins.
,,Fyrstu vikuna þá hafði ég áhyggjur og ég hef enn áhyggjur þegar kemur að stóru leikjunum,“ sagði Mourinho.
,,Þeir eru að gera frábæra hluti. Krakkarnir eru að spila og henta mjög vel með toppleikmönnum eins og Willian og N’Golo Kante.“
,,Frank er að gera frábæra hluti. Þeir töpuðu þó tvisvar gegn Manchester United og gegn Liverpool á heimavelli.“
,,Þeir fengu á sig fjögur mörk gegn Ajax og það verður mjög fróðlegt að sjá hvernig þeir gera gegn Manchester City.“