Tvær stjörnur Manchester City og Liverpool rifust og slógust heiftarlega á æfingu enska landsliðsins í dag samkvæmt the Daily Mail.
Mail segir að þeir Joe Gomez og Raheem Sterling hafi lent saman á æfingu og fengu hnefarnir að lokum að tala.
Tvímenningarnir mættust um helgina þegar Liverpool vann 3-1 heimasigur á City í úrvalsdeildinni.
Greint er frá því að aðrir leikmenn enska liðsins hafi þurft að stöðva slagsmálin og koma á milli leikmannana.
Gomez á að hafa byrjað að grínast í Sterling og nefnt sigur helgarinnar en það grín fór úr böndunum.
Gareth Southgate, landsliðsþjálfari, er öskuillur eftir atvikið sem gæti haft slæm áhrif á móral enska liðsins.