Arnar Þór Viðarsson, landsliðsþjálfari U21 karla, hefur kallað Daða Frey Arnarson, FH, og Stefán Árna Geirsson, KR, inn í æfingahópinn fyrir leik U21 karla gegn Ítalíu og U20 leik gegn Englandi í nóvember.
Ísland mætir Ítalíu 16. nóvember í undankeppni EM 2021, en Englandi í U20 ára leik þann 19. nóvember. Báðir leikirnir fara fram ytra.
U21 vann góðan sigur á Írum í síðasta leik en liðið hafði áður fengið slæman skell gegn Svíum.