Luis Suarez, leikmaður Barcelona, vill fara í bandarísku MLS-deildina að sögn landa hans Nicolas Lodeiro.
Lodeiro spilar með Seattle Sounders í Bandaríkjunum en hann og Suarez þekkjast vel.
Lodeiro segir að það sé á dagskrá Suarez að færa sig en hann er 32 ára gamall í dag.
,,Ég held að það þurfi bara að sannfæra Barcelona. Suarez vill koma í MLS-deildina,“ sagði Lodeiro.
,,Hann er alltaf að spyrja mig út í deildina. Hans draumur var að spila fyrir Barcelona. Hann spilar í hæsta gæðaflokki og líður vel þar.“
,,Fyrr eða seinna þá kemur hann í MLS-deildinni. Ég vona það! Honum líkar við deildina. Hann er alltaf að pæla í henni.“
,,Vonandi getur hann spilað fyrir Seattle Sounders. Það gæti kannski verið erfiðara. Það er tímaspursmál hvenær hann kemur.“