Árni Vilhjálmsson, fyrrum framherji Breiðabliks er mættur til Úkraínu og mun ganga þar í raðir Kolos Kovalivka. Íslendingavaktin segir frá.
Árni er byrjaður að æfa með með liðinu en verið er að klára lausa enda svo Árni skrifi undir samning.
Kolos Kovalivka er nýtt lið í úrvalsdeildinni í Úkraínu en liðið er með 14 stig eftir 13 leiki. Liðið var stofnað árið 2012 og hefur farið upp um þrjár deildir á fjórum árum.
Félagið er staðsett í litlum smábæ nálægt Kiev, höfuðborginni. Árni lék með Chornomorets Odessa í Úkraínu á síðustu leiktíð og skoraði sjö mörk í 14 leikjum.