Hvorki Erik Hamren, landsliðsþjálfari eða Freyr Alexandersson, aðstoðarþjálfari liðsins vilja ræða málefni Kolbeins Sigþórssonar, sem voru í fréttum í síðustu viku. Fréttablaðið greindi frá því að Kolbeinn hefði verið handtekinn, í Stokkhólmi.
Samkvæmt frétt, Fréttablaðsins var hann handtekinn á næturlífinu í Stokkhólmi og vakti fréttin mikla athygli. Kolbeinn er í landsliðshópi Íslands sem mætir Tyrklandi og Moldóvu í næstu viku.
,,Við erum í góðu sambandi við Kolbein, varðandi öll hans mál. Ég ætla ekki að ræða hans mál, við erum í stöðugu sambandi við hann. Það snýst aðallega um fótboltalegu hliðina.“ sagði Freyr um málið.
Erik Hamren er frá Svíþjóð, þar sem Kolbeinn var handtekinn. Hann vill heldur ekkert segja. ,,Ég get ekkert sagt, ég vil ekki ræða þessi mál. Þetta er á milli hans og félagsins. Ég hef ekkert að segja, einbeitum okkur að fótboltanum,“