Daniel James, nýjasta stjarna Manchester United, segir að það hafi aldrei komið til greina að spila fyrir England.
James er landsliðsmaður Wales í dag en hann hafði möguleika á að spila fyrir England er hann var yngri.
Enska knattspyrnusambandið hafði þó aldrei samband við þennan 21 árs gamla vængmann.
,,Faðir minn fór með mig í æfingabúðir í Wales þegar ég var 12 ára gamall,“ sagði James.
,,Síðan þá hef ég alltaf spilað fyrir alla aldurshópa Wales. Ég get ekki sagt að England hafi einhvern tímann haft samband.“