Rúnar Páll Sigmundsson hefur skrifað undir tveggja ára áframhaldandi samning við Stjörnuna.
Þetta staðfesti félagið í kvöld en Rúnar hefur undanfarin sex ár þjálfað Garbæinga.
Sögusagnir voru um að Rúnar væri að kveðja eftir leiktíðina en hann hefur nú framlegt sinn samning.
Tilkynning Stjörnunnar:
Rúnar þarf ekki að kynna fyrir Garðbæingum enda var hann ráðinn aðstoðarþjálfari mfl. karla fyrir tímabilið 2013 þegar liðið tryggði sér Evrópusæti í fyrsta skipti. Hann tók síðan við aðalþjálfarastarfinu árið 2014 og hefur átt mikilli velgengni að fagna. Liðið hefur fest sig í sessi sem eitt af allra sterkustu félögum landsins en undir hans stjórn hefur Stjarnan aldrei endað neðar en í 4 sæti Pepsi deildarinnar.
Ljóst að framundan er mikil vinna hjá Rúnari og liðinu að endurheimta sæti sitt í Evrópu ásamt því að byggja enn frekar upp öflugan leikmannahóp með sterka liðsheild til framtíðar. Mikið af ungum leikmönnum hafa verið að stíga sín fyrstu spor með liðinu og ljóst að Stjarnan mun eftir sem áður leggja áherslu á að veita ungum leikmönnum verðskulduð tækifæri.
Það er því óhætt að segja að það séu spennandi tímar framundan í Garðabænum!