Í dag er fullyrt að það sé búið að velja Hólmar Örn Eyjólfsson í landsliðshópinn fyrir komandi verkefni.
Þetta segja búlgarskir miðlar en Hólmar var upphaflega ekki valinn í hópinn fyrir leiki gegn Frökkum og Andorra.
Í Búlgaríu er þó fullyrt að Hólmar verði í hópnum en hann leikur með Levski Sofia þar í landi.
Það væri væntanlega í stað Harðar Björgvins Magnússonar en hann er að glíma við meiðsli og er tæpur.
Hörður meiddist í síðasta leik CSKA Moskvu í Evrópudeildinni og yfirgaf svæðið á hækjum.
Einnig er búið að staðfesta það að Aron Einar Gunnarsson verði fjarri góðu gamni vegna meiðsla.