Heimir Guðjónsson tekur að sér þjálfun meistaraflokks Vals í knattspyrnu karla. Þetta var staðfest í gær.
Stjórn knattspyrnudeildar Vals og Heimir Guðjónsson hafa komist að samkomulagi um að Heimir taki að sér þjálfun meistaraflokks Vals í knattpyrnu karla til næstu 4 ára. Heimir er einn sigursælasti þjálfari landsins en hann leiddi FH til Íslandsmeistaratitils fimm sinnum á tíu ára ferli sem þjálfari liðsins. Heimir var kosinn þjálfari ársins í Færeyjum á síðasta ári en hann gerði Havnar Bóltfelag af meisturum það sama ár og bikarmeisturum í ár.
Heimir lék 251 leik í efstu deild með KR, ÍA og FH og ríflega 300 meistaraflokksleiki alls á löngum ferli. Hann varð Íslandsmeistari með FH í tvígang sem leikmaður og einu sinni sem aðstoðarþjálfari, einnig lék hann sex A-landsliðsleiki.
Hér að neðan eru fimm hlutir sem Heimir þarf að gera hjá Val.
Fá vinstri bakvörð
Bjarni Ólafur Eiríksson virðist á förum og Ívar Örn Jónsson situr eftir sem eini vinstri bakvörður liðsins, Ívar hefur ekki heillað Valsmenn og líklegt er að Heimir fari fljótt í að sækja sér vinstri bakvörð. Ekki er mikið úrval hér á landi og því ansi líklegt að Heimir horfi til útlanda.
Losa sig við leikmenn sem leggja lítið til málana
Leikmannahópur Vals er stór, Emil Lyng verður ekki áfram en félagið mun rifta samningi hans. Kaj Leo í Bartalsstovu gerði ekkert í sumar og Heimir vildi ekki hafa hann Í FH, á sínum tíma. Líklegt er að Valur reyni að losa hann. Þá verður að teljast líklegt að leikmaður eins og Kristinn Ingi Halldórsson eigi litla framtíð hjá Heimi.
Velja réttan aðstoðarmann
Tími Heimis í FH var góð og þá sérstaklega þegar hann hafði öflugan aðstoðarmann, mann sem getur haldið klefanum góðum. Heimir er harður í horn að taka, hann þarf því mann er góður að tala við leikmenn, róað þá niður eða kveikt í þeim von þegar eitthvað bjátar á.
Fá lykilmenn í stand
Hannes Þór Halldórsson, Birkir Már Sævarsson, Eiður Aron Sigurbjörnsson, Orri Sigurður Ómarsson, Sigurður Egill Lárusson og Kristin Freyr Sigurðsson eru dæmi um leikmenn sem áttu ekki gott sumar. Heimir þarf að kveikja líf í þeim. Ef það tekst, þá þarf Heimir ekki að hafa áhyggjur.
Fylla aftur í skó Óla Jó
Heimir tók við af Ólafi Jóhannessyni hjá FH fyrir tímabilið 2008 og vann titil á fyrsta ári. Miðað við fjármagnið sem Valur hefur er krafan að Heimir endurtaki það. Hann þarf því í annað sinn á ferlinum að fylla aftur í skarð Óla Jó sem vann fjóra titla á fimm árum. Óli vann ekki titil í ár og var sparkað út, Heimir þarf því að passa sig og vinna titil strax á fyrsta ári, annars gæti hann fengið sparkið.
