Roma hefur ákveðið að semja ekki við Jack Rodwell, sem var til reynslu hjá félaginu á dögunum. Ítalska félagið leitar sér að miðjumanni.
Félagið getur hins vegar aðeins fengið leikmenn frá Evrópu, sem eru án félags.
Rodwell mætti á æfingu hjá Roma og fór í læknisskoðun, hann heillaði ekki og var sendur heim til Englands. Rodwell lék áður með Everton, Manchester City, Sunderland og Blackburn.
Emil Hallfreðsson, sem er án félags er einn af þeim sem hefur komið til umræðu hjá Roma. Sú staðreynda að félagið hafi ekki samið við Rodwell gæti opnað dyrnar fyrir Emil.
Roma er í vandræðum með meiðsli á miðsvæðinu en Emil hefur verið án félags síðan í sumar.
