Fjölnir í Pepsi Max-deild karla hefur fengið liðsstyrk fyrir næstu leiktíð og greindi frá því í kvöld.
Grétar Snær Gunnarsson hefur skrifað undir samning við Fjölni eftir gott tímabil með Víkingi Ó.
Þessi 22 ára gamli leikmaður er uppalinn hjá FH og lék einn leik í efstu deild árið 2016 áður en hann hélt til HK.
Hann hefur einnig reynt fyrir sér erlendis og vann deildina með HB í Færeyjum árið 2018.
Fjölnir tryggði sér sæti í efstu deild í sumar og gerði Grétar tveggja ára samning við félagið.
