Að hætta að vera efnilegur knattspyrnumaður og verða góður er flókið ferli, sumir ná aldrei að nýta hæfileika sína til fulls.
Íslenska karlalandsliðið hefur náð mögnuðum árangri síðustu ár, lítil endurnýjun hefur átt sér stað. Liðið hefur ná frábærum árangri og ekki verið tilefni til, leikmenn liðsins eldast hins vegar og því styttist í að nýir menn komið að borðinu.
Ísland framleiðir mikið af góðum leikmönnum og eru U17 og U19 ára landsliðið þessa stundina afar öflug.
Þar má finna vonarstjörnur Íslands en þær leynast líka Í U21 árs landsliðinu. Hér að neðan eru tíu vonarstjörnur, sem eiga að geta náð langt með íslenska landsliðinu.
Samantekt um tíu vonarstjörnur Íslands eru hér að neðan en taka skal fram að listinn er ekki heilagur, aðeins gerður til gamans.
Patrik Sigurður Gunnarsson
Fæðingarár: 2000
Staða: Markvörður
Lið: Brentford
Hefur bætt sig all svakalega hjá Brentford síðasta árið, það verður fróðlegt að fylgjast með baráttu hans við Rúnar Alex Rúnarsson í framtíðinni um stöðuna í íslenska landsliðinu.
Andri Lucas Guðjohnsen
Fæðingarár: 2002
Staða: Framherji
Lið: Real Madrid
Það nafn sem flestir þekkja, þegar þú ert í herbúðum Real Madrid þá ertu vonarstjarna. Félagið hleypir ekki hverjum sem er inn í unglingastarf sitt, Andri Lucas gæti orðið næsta stórstjarna Íslands.
Ísak Bergmann Jóhannesson
Fæðingarár: 2003
Staða: Miðjumaður
Lið: Norköpping
16 ára og á sínu fyrsta ári í Svíþjóð, þrátt fyrir það er Ísak byrjaður að spila með aðalliði félagsins. Þrátt fyrir ungan aldur er hann afar þroskaður leikmaður, getur stýrt leikjum.
Oliver Stefánsson
Fæðingarár: 2002
Staða: Varnarmaður
Lið: Norköpping
Oliver er á sínu fyrsta ári með sænska stórliðinu og vegnar vel, á bjarta framtíð. Kröftugur varnarmaður sem les leikinn vel.
Danijel Dejan Djuric
Fæðingarár: 2003
Staða: Sóknarmaður
Lið: FC Midtjylldand
Afar leikinn piltur sem ólst upp í græna hluta Kópavogs, getur unnið leiki upp á sitt einsdæmi. Fróðlegt verður að sjá hvernig hann þroskast í Danmörku.
Ísak Snær Þorvaldsson
Fæðingarár: 2001
Staða: Miðjumaður
Lið: Norwich
Kraftur, snerpa, úthald, elding. Svona væri hægt að tala um Ísak sem ólst upp hjá Aftureldingu, gríðarlega kröftugur leikmaður sem þarf að slípa aðeins.
Orri Steinn Óskarsson
Fæðingarár: 2004
Staða: Sóknarmaður
Lið: Grótta
Aðeins 15 ára gamall en hefur síðustu tvö ár spilað með meistaraflokki Gróttu sem komið er upp í efstu deild. Er á leið til FCK í Danmörku en mörg lið hafa horft til hans.
Willum Þór Willumsson
Fæðingarár: 1998
Staða: Miðjumaður
Lið: BATE
Hefur bætt kjöti á sig i hörkunni í Hvíta-Rússlandi. Willum er miðjumaður sem getur nýst íslenska landsliðinu afar vel í framtíðinni.
Kolbeinn Birgir Finnsson
Fæðingarár: 1999
Staða: Kantmaður
Lið: Dortmund
Þegar Borussia Dortmund sækir leikmann er líklegt að sá leikmaður muni í framtíðinni nýtast íslenska landsliðinu. Kolbeinn er tvítugur og vonandi tekur hann næsta skref í Þýskalandi.
Kristian Nökkvi Hlynsson
Fæðingarár: 2004
Staða: Miðjumaður
Lið: Breiðablik
Afar spennandi leikmaður sem fékk tækifæri með Blikum í sumar, ljóst er að hann gæti fengið stórt hlutverk undir stjórn Óskars Hrafns.