Jose Mourinho, fyrrum stjóri Manchester United á reglulega samtal við forráðamenn Borussia Dortmund. Þetta fullyrðir Bild í Þýskalandi.
Mourinho hefur verið í tíu mánuði án starfs, eftir að hann var rekinn frá Old Trafford. Mourinho er einn sigursælasti þjálfari í sögu fótboltans og vill komast aftur til starfa.
Hann hefur náð góðum árangri hjá Porto, Chelsea, Inter og Real Madrid.
Bild segir að Mourinho sé byrjaður að læra þýsku og að starfið hjá Dortmund sé eitthvað sem hann horfir til, það sé spennandi kostur.
Mourinho hefur einnig verið orðaður við Tottenham en hann hafnaði að taka við Lyon á dögunum.