Ole Gunnar Solskjær, stjóri Manchester United, mun ekki hika við það að segja af sér ef það er best fyrir félagið.
Frá þessu greina enskir miðlar en gengi United hefur ekki verið gott undir Solskjær á þessu tímabili.
United spilar stórleik gegn Liverpool síðar í dag en liðið situr í 12. sæti deildarinnar fyrir viðureignina.
Solskjær virðir félagið og stuðningsmenn og mun segja af sér ef hann telur sig ekki geta breytt gangi mála.
Solskjær byrjaði mjög vel er hann tók við í desember á síðasta ári og fékk þess vegna lengri samning.