Manchester United bauð upp á ótrúleg úrslit á síðustu leiktíð er liðið vann Paris Saint-Germain, 3-1 í Meistaradeildinni.
United kom öllum á óvart og vann PSG 3-1 í París en fyrri leiknum lauk með 2-0 sigri franska liðsins.
Ander Herrera lék með United í þeim leik en hann spilar með PSG í dag. Hann segir að enginn hjá United hafi búist við sigri.
,,Það var ekki einn leikmaður Manchester United sem hélt að við myndum vinna í París,“ sagði Herrera.
,,Í fótbolta þá máttu ekki tapa einbeitingunni, ekki í tvær mínútur og þá borgaru fyrir það. Þetta var ekki eðlilegt tap fyrir PSG.“