Zinedine Zidane, stjóri Real Madrid, hitti miðjumanninn Paul Pogba í Dubai í gær.
Pogba er á mála hjá Manchester United en hann er talinn vilja komast til Spánar á næsta ári.
Þeir hittust óvænt í Dubai á dögunum en Zidane vildi ekki gefa út nein smáatriði varðandi það samtal.
,,Þetta var algjör tilviljun. Hann var þarna og ég var þarna til að fara með fyrirlesturinn,“ sagði Zidane.
,,Við þekkjum hvor annan og við ræddum málin. Þetta voru persónulegar samræður. Ég ætla ekki að segja ykkur hvað var sagt.“