Landsliðsmarkvörðurinn, Hannes Þór Halldórsson er ekki bara færasti markvörður þjóðarinnar heldur einnig einn allra færasti leikstjóri landsins.
Hannes hafði lagt vélina að mestu til hliðar á meðan hann lék sem atvinnumaður, hann tók þó að sér stórt verkefni fyrir Coca Cola.
Í dag birtist svo nýjasta verkefni Hannesar, sem er tónlistarmyndband hjá Dj Muscleboy, betur þekktur sem Egill Einarsson. Verkefnið var unnið á dögunum en um er að ræða myndband við lagið Muscle Club. Hannes leikstýrði myndbandinu og sá um að klippa það, óhætt er að segja að myndbandið hafi vakið mikla lukku.
Þarna birtast margir af þekktustu leikurum þjóðarinnar og nýjasta stjarna fótboltaumræðu á Íslandi, Mikael Nikulásson. Sá hefur vakið mikla athygli fyrir frammistöðu sína í Dr. Football, hlaðvarpinu.
Sagt er frá því að Mikael sé 56 prósent líkamsfita og sé saknað, verið sé að leita af honum. Margir velta því nú fyrir sér á samfélagsmiðlum hvort Hannes eða Egill, hafi átt hugmyndina af því að setja Mikael inn í myndbandið.
Sjáðu frábært myndband Hannesar við lagið Muscle Club með DJ Muscleboy er hér að neðan.