Mesut Özil, leikmaður Arsenal, hefur skotið á fyrrum leikmenn sem elska að gagnrýna hann í sjónvarpinu.
Özil er oft ásakaður um að vera latur og að hann láti varla sjá sig þegar Arsenal spilar í stóru leikjunum.
Özil tekur ekki þátt í svoleiðis umræðu og segir að það sé röng mynd af honum sem leikmanni.
,,Þetta er alltaf sagt þegar fyrrum leikmaður stendur í sjónvarpinu og gagnrýnir mig,“ sagði Özil.
,,Aðrir taka þetta upp og svo er þetta í höfðinu á öllum. Ef við stöndum okkur ekki vel í stórum leikjum þá er það mér að kenna.“
,,Ef það er rétt þá hvernig er hægt að útskýra úrslitin í stóru leikjunum þegar ég spila ekki?“
,,Það er engin munur þarna. Ég veit að fólk býst við meiru af mér og að ég eigi að stjórna leikjum en það er ekki svo einfalt.“