Krasimir Balakov, landsliðsþjálfari Búlgaríu, hefur tekið U-beygju og ákvað nú að biðja Englendinga afsökunar á hegðun stuðningsmanna um helgina.
Enskir leikmenn urðu fyrir kynþáttafordómum í Búlgaríu í undankeppni EM en eftir leik þá sagði Balakov að hann hafi ekki orðið vitni af neinu svoleiðis.
Balakov neitaði í raun að leikmenn hafi orðið fyrir áreiti en hann hefur nú gefið frá sér aðra tilkynningu.
,,Það sem ég sagði fyrir leikinn gegn Englandi – að Búlgaría væri ekki í vandræðum með rasisma var byggt á því að í deildarkeppnunum hérna höfum við ekki lent í þessu,“ sagði Balakov.
,,Það hafa kannski komið upp lítil mál en svo sannarlega ekki eitthvað sem þú verður vitni að ,,á vellinum.“
,,Flestir knattspyrnuaðdáendur taka ekki þátt í svona söngvum og ég trúi að það hafi verið eins gegn Englandi.“
,,Ég vil þó koma einuy á hreint – það hafa nokkur mál verið tilkynnt eftir leikinn í Sofia og ég sem landsliðsþjálfari Búlgaríu vil biðja alla ensku leikmennina afsökunar og alla þá sem fundu fyrir þessu.“