Brendan Rodgers, stjóri Leicester City, er til staðar fyrir framherjann Jamie Vardy sem leikur með liðinu.
Rebekah Vardy, eiginkona framherjans, er í stríði þessa stundina við Coleen Rooney, eiginkonu Wayne Rooney.
Coleen ásakar Rebekah um að hafa lekið upplýsingum í blaðið Sun en um er að ræða einkamál sem kemur í raun engum við.
Vardy-fjölskyldan hefur fengið að eyða síðustu dögum saman en Jamie fékk frí eftir þennan skandal.
,,Ég geri mér grein fyrir því sem gerðist í síðustu viku. Ég gaf Jamie nokkra daga í frí til þess að fá eyða með fjölslyldunni og hvíla sig,“ sagði Rodgers.
,,Ég er viss um að þetta hafi verið erfið vika en við erum hér til að styðja hann og hans fjölskyldu ef þess þarf.“
,,Ég ræddi við Jamie fyrr í þessari viku. Hann hefur æft vel og verið í góðu standi í vikunni.“