Jose Enrique, fyrrum leikmaður Liverpool, segir að Andy Robertson sé besti bakvörður heims í dag.
Robertson er einn mikilvægasti leikmaður Liverpool og var frábær er liðið vann Meistaradeildina í sumar.
Marcelo hjá Real Madrid fékk þó verðlaun í lok tímabils en Enrique segir að það hafi ekki verið sanngjarnt.
,,Hann er ótrúlegur. Ég hef sagt það áður og segi það aftur, hann var besti bakvörður heims á síðustu leiktíð,“ sagði Enrique.
,,Ég veit að Marcelo fékk þá viðurkenningu en það var ekki sanngjarnt að mínu mati. Ekki bara því Liverpool vann Meistaradeildina heldur hefur hann bara verið magnaður fyrir þá.“