Edwin van der Sar, einn besti markvörður í sögu Manchester United, gat samið við Liverpool á sínum tíma.
Hollendingurinn greinir sjálfur frá þessu en hann gat farið þangað árið 2001 eftir að hafa yfirgefið Juventus.
Van der Sar var með tilboð frá stórliðum en ákvað þess í stað að fara til Fulham þar sem hann stóð sig mjög vel.
,,Ég var með tvo möguleika, ég hefði getað samið við Liverpool og Dortmund,“ sagði Van der Sar.
,,Bæði félög voru þó aðeins hikandi og að lokum þá ákvað ég að semja við Fulham.“