Laurent Blanc, fyrrum leikmaður Manchester United, hefur áhuga á að taka við félaginu af Ole Gunnar Solskjær.
Frá þessu greina enskir og franskir miðlar en Blanc hefur verið án félags í dágóðan tíma.
Blanc stýrði síðast liði Paris Saint-Germain í Frakklandi en hann yfirgaf félagið fyrir þremur árum síðan.
Solskjær er talinn vera valtur í sessi en United hefur ekki byrjað eins illa í deildinni í 30 ár.
Blanc lék með United í tvö ár sem leikmaður áður en hann ákvað að leggja skóna á hilluna.