Instagram síðan 433 hefur 23,4 milljónir fylgjenda en síðan deildi í dag myndbandi af U19 ára landsliði karla í knattspyrnu. Þar er liðið saman á hótelherbergi að spila tölvuleikinn FIFA.
Leikmenn Íslands fengu þá Socrates í pakka sem ku vera ansi góður karl í þessum vinsæla leik.
Þegar pakkinn er opnaður tryllist hjá liðinu, leikmenn hoppa í rúminu og rífa sig úr að ofan. Þeir fara svo að syngja saman. Um er að ræða sama lag og frægt varð um Kolo og Yaya Toure, þá leikmenn Manchester City.
Í stað þess að nota nöfn þeirra fara drengirnir að syngja um systurnar Sunnu Heitman og Eddu Heitman. Sunna hefur tengingu inn í liðið en hún er kærasta, Andra Lucas Guðjohnsen, framherja Real Madrid.
Lagið virðist vera grín innan hópsins, flestir kunnu textann og sungu með. U19 ára liðið lék tvo æfingaleiki um helgina, ytra.
Myndbandið sem 433 birti með milljónum fylgjenda sínum, má sjá hér að neðan.
View this post on Instagram
Squad goals! Crazy pack opening with the Iceland U19s ??? @kristallingason @mikaelegill