Olivier Giroud, leikmaður Chelsea, viðurkennir að hann gæti verið á förum frá félaginu.
Giroud er 33 ára gamall en hann fær nánast ekkert að spila undir stjórn Frank Lampard.
Þrátt fyrir það er Giroud fastamaður í franska landsliðinu og skoraði tvö mörk í verkefninu sem var að ljúka.
,,Ég er tilbúinn að berjast fyrir minni stöðu og stjórinn veit það. Svo tökum við ákvörðun í janúar,“ sagði Giroud.
,,Vil ég yfirgefa Chelsea? Ekki endilega en ég þarf að taka ákvörðun. Ég á nokkur falleg ár eftir.“
,,Ég er 33 ára gamall og er enn með lappirnar í að gera mitt, ég lifi heilbrigðum lífstíl og mér líður vel.“
,,Ég vil skemmta mér og spila fleiri leiki. Chelsea er númer eitt en ef ég þarf að taka ákvörðun þá get ég gert það sama og hjá Arsenal.“