Guiseppe Rossi, fyrrum leikmaður Manchester United, er loksins búinn að finna sér félag til að æfa með.
Rossi hefur þurft að glíma við ófá meiðsli á ferlinum og var síðast samningsbundinn árið 2018.
Hann var þá á mála hjá Genoa á Ítalíu en var látinn fara eftir tímabilið.
Villarreal hefur ákveðið að gefa Rossi tækifæri og mun hann reyna að sanna sig fyrir félaginu.
Rossi lék með Villarreal frá 2007 til 2013 og er enn þann dag í dag markahæstur í sögu félagsins með 82 mörk.
Það væri falleg saga ef Rossi endar á því að semja við Villarreal en hann lék 192 leiki fyrir félagið á sínum tíma. Undanfarin fimm tímabil hefur hann aðeins spilað 42 leiki.