Daniel James, stjarna Manchester United, neitar því að hann hafi rotast í leik með welska landsliðinu í gær.
Það er útlit fyrir að james hafi rotast eftir viðskipti við varnarmanninn Domagoj Vida.
James hélt áfram keppni eftir höfuðhöggið en hann segist ekki hafa misst meðvitund sem er þó líklega ekki rétt miðað við myndir.
,,Það er í lagi með mig. Hann hitti mig í höfuðið en ég rotaðist ekki,“ sagði James við Sky Sports.
,,Við vissum að þetta yrði erfiður leikur og hann breyttist fljótt. Við byrjuðum vel en fengum þó mark á okkur.“