Gianluigi Buffon, markvörður Juventus, talar mjög vel um liðsfélaga sinn Cristiano Ronaldo.
Ronaldo hefur verið ásakaður um að vera hrokafullur en Buffon er alls ekki sammála þeim ummælum.
,,Þegar ég hitti Cristiano á æfingu þá komst ég að þvcí að hann er mjög auðmjúkur,“ sagði Buffon.
,,Mér líkar við hans viðhorf og samband hans við liðsfélagana. Eftir leiki þá tölum við oft djúpt um það sem átti sér stað.“
,,Ég komst að því að hann er ekki bara frábær fótboltamaður heldur mjög góður náungi.“