Sporting Lisbon í Portúgal íhugar nú að breyta nafni á heimavelli sínum en það gæti gerst á næstu árum.
Frá þessu er greint í dag en Sporting íhugar að skíra völlinn í höfuðið á Cristiano Ronaldo.
Ronaldo vakti fyrst athygli með Sporting í Portúgal en hann var svo keyptur til Manchester United.
Ronaldo er frægasti leikmaður sem hefur komið úr akademíu Sporting en hann er einn besti sóknarmaður sögunnar.
Frederico Varandas, forseti Sporting, staðfesti það að þetta sé eitthvað sem félagið myndi íhuga er Ronaldo leggur skóna á hilluna.
Ronaldo er kominn á seinni ár ferilsins en er þó enn að raða inn mörkum með Juventus.