Jose Mourinho hefur nefnt besta leikmann sögunnar og velur hann hvorki Cristiano Ronaldo né Lionel Messi.
Mourinho hefur unnið með mörgum frábærum leikmönnum á sínum ferli og þar á meðal Ronaldo hjá Real Madrid.
Hann segir hins vegar að Ronaldo Nazario sé besti leikmaður sögunnar eða ‘brasilíski Ronaldo’ eins og margir kalla hann.
,,Ronaldo, El Fenomeno. Cristiano Ronaldo og Leo Mesis hafa átt langan feril og hafa verið á toppnum á hverjum degi í 15 ár,“ sagði Mourinho.
,,Ef við erum hins vegar bara að tala um gæði og hæfileika þá er enginn á undan Ronaldo.“
,,Þegar hann var hjá Barcelona undir stjórn Bobby Robson þá áttaði ég mig á því að hann væri besti leikmaður sem ég hafði séð á vellinum.“