Erik Hamren, landsliðsþjálfari Íslands hefur ekki rætt í síma við Aron Einar Gunnarsson eftir að hann varð fyrir alvarlegum meiðslum.

Aron sleit liðband í ökkla í leik í Katar á föstudag og fór í aðgerð í vikunni, hann verður fjarverandi gegn Frakklandi á morgun í undankeppni EM.

,,Ég hef ekki talað við hann, við skiptumst á skilaboðum og hann var langt niðri,“ sagði Hamren um Aron.

Nánast er útilokað að Aron Einar, fyrirliði Íslands spili næstu fjóra leiki sem eru nú í október og nóvember.

,,Ég vildi láta hann í friði, ég ræði við hann í næstu viku. Þetta eru slæm meiðsli, við vitum öll hvaða merkingu það hefur fyrir hann að spila fyrir landsliðið. Ég hef ekki rætt við hann“