Real Madrid náði í stig í Meistaradeild Evrópu í kvöld er liðið mætti Club Brugge frá Belgíu.
Real lenti svo sannarlega í veseni á heimavelli en Brugge komst í 2-0 í fyrri hálfleik og leiddi í leikhléi.
Real svaraði hins vegar fyrir sig í seinni og náðu þeir Sergio Ramos og Casemiro að tryggja liðinu stig.
Á sama tíma áttust við Atalanta og Shakhtar Donetsk en þar höfðu þeir úkraínsku betur.
Duvan Zapata kom Atalanta yfir í fyrri hálfleik en Junior Moraes jafnaði metin fyrir gestina stuttu seinna.
Manor Solomon tryggði svo Shakhtar stigin þrjú er hann skoraði sigurmark á 95. mínútu og lokastaðan, 1-2.