Mauricio Pochettino, stjóri Tottenham, ræddi við blaðamenn í kvld eftir hörmulegt tap í Meistaradeildinni.
Tottenham gat einfaldlega ekkert í kvöld og tapaði 7-2 gegn Bayern Munchen á heimavelli.
Fyrir þremur mánuðum spilaði Tottenham í úrslitum keppninnar en nú er liðið í vandræðum.
,,Kannski er ég hundleiðinlegur í þessum ræðum. Fótboltinn snýst um daginn í dag ekki gærdaginn,“ sagði Pochettino.
,,Þetta snýst ekki um hvað gerðist fyrir þremur mánuðum síðan. Í dag erum við mjög vonsviknir.“
,,Bayern skoraði mark í hvert skipti sem þeir snertu boltann. Við þurfum að halda áfram.“