Wayne Rooney, fyrrum leikmaður Manchester United, komst í fréttirnar fyrr í þessum mánuði.

Rooney leikur í dag með DC United í bandarísku MLS deildinni en hann var handtekinn á flugvelli í borginni í desember.

Rooney var ný lentur á Dulles flugvellinum er hann var stöðvaður af lögreglu fyrir að vera drukkinn á almannafæri.

Englendingurinn blótaði mikið og var með læti fyrir framan almenning áður en hann var handtekinn.

Í dag er greint frá því að Rooney hafi talað mjög ‘brotna’ ensku er hann ræddi við lögregluna sem átti í erfiðleikum með að skilja hann.

Lögreglan bað Rooney um símanúmer hans en vegna ástandsins sem hann var í þá mundi hann ekki tölurnar.

Rooney var fljótlega látinn laus eftir að það hafði runnið af honum en þurfti að borga lítillega sekt.