Thierry Henry, þjálfari Monaco hefur beðist afsökunar á því að hafa kallað ömmu Kenny Lala, hóru.
Lala var í byrjunarliði Strasbourg þegar liðið vann 5-1 sigur á Monaco um helgina.
Henry hefur byrjað hræðilega í starfi og situr Monaco áfram í fallsæti, þremur stigum frá öruggu sæti.
Henry var pirraður á 43 mínútu leiksins þegar Lala var byrjaður að tefja. ,,Það er 43 mínúta, amma þín er hóra,“ öskraði Henry og náðist á mynd.
Henry sá eftir þessu og var fljótur eftir leik að biðjast afsökunar. ,,Það er svona sem er talað á götunni, því miður. Ég sé eftir þessum ummælum af bekknum, þetta var mannlegt eðli. Ég er manneskja, ég sé eftir því,“ sagði Henry á fréttamannafundi eftir leik.
Henry er í sínu fyrsta starfi sem aðalþjálfari en hann fékk Cesc Fabregas til liðsins á dögunum, frá Chelsea.