Jose Mourinho, fyrrum stjóri Manchester United, hefur aðeins tjáð sig um tíma sinn hjá félaginu.
Mourinho var rekinn frá United í desember eftir slæmt gengi en liðið endaði í öðru sæti á síðasta tímabili.
Það er eitt það besta sem Mourinho hefur afrekað á mögnuðum ferli þar sem hann hefur unnið yfir 20 titla.
,,Stundum höldum við það sem við sjáum en við vitum ekki hvað gerist á bakvið tjöldin og hvað hefur áhrif á það sem við sjáum,“ sagði Mourinho.
,,Það er mjög mikilvægt. Ef ég segi ykkur, til dæmis, að eitt það besta sem ég hef afrekað á ferlinum var að enda í öðru sæti með Manchester United?“
,,Þið segið að ég sé klikkaður, að ég hafi unnið 25 titla og segi að það að hafna í öðru sæti sé eitt það besta sem ég hef afrekað.“
,,Ég segi það enn og aftur því fólk veit ekki hvað gengur á bakvið tjöldin.„