Það er reiði í herbúðum Manchester United þessa stundina fyrir leik gegn Arsenal í enska bikarnum.
Þessi tvö lið mætast í FA bikarnum eftir tíu daga en leikið verður á Emirates vellinum í London.
Venjan er að lið fái fleiri sæti á útivöllum í bikarnum en í ensku deildinni og var United að búast við 9,000 miðum.
Arsenal er þó aðeins tilbúið að láta United fá 5,000 miða sem þykir vera alltof lítið fyrir svo stóra viðureign.
United mun reyna að fara fram á fleiri miða en rúmlega 60 þúsund manns komast fyrir á Emirates vellinum.
Besta mæting í sögu vallarins kom einmitt árið 2007 þegar United heimsótti Arsenal, 60,161 gerðu sér þá leið á völlinn.