Wayne Rooney, fyrrum leikmaður Manchester United, var handtekinn í Washington í Bandaríkjunum í síðasta mánuði. Bandarískir fjölmiðlar keppast við að fjalla áfram um málið en Rooney var handtekinn á Metropolitian flugvellinum sem er í Washington.
Rooney hafði verið í Sádí Arabíu og horft á kappakstur en var svo handtekinn á flugvellinum vegna ölvunnar á almannafæri. Einnig er greint frá því að Rooney hafi blótað mikið er hann var drukkinn og var alls ekki til fyrirmyndar.
Rooney ættu flestir að þekkja en hann lék lengi með United og svo síðar Everton. Hann spilar í dag með DC United í MLS-deildinni.
Stjórnarmenn MLS deildarinnar eru sagðir brjálaðir enda sér deildin að hluta til um að borga stjörnum hennar laun.
Þeir telja að fyllerí Rooney sé að skemma orðspor deildarinnar og hafa kallað sóknarmanninn knáa á sinn fund.
Áfengi hefur reglulega komið Rooney í vandræði í einkalífinu en hann er einn launahæsti leikmaður MLS deildarinnar.