Cristiano Ronaldo, einn besti íþróttamaður allra tíma er ekki vanur að veita viðtöl þar sem rætt er um annað en fótbolta. Ronaldo settist hins vegar niður með Piers Morgan, á ITV í vikuni. Þar ræðir Ronaldo um allt sem hann hefur gengið í gegnum.
Hann ræddi fátækt á unga aldri þegar hann fór frá fjölskyldu sinni til að spila fyrir Sporting Lisbon, hann hafði lítið á milli handanna og bjargaði sér.
,,Seint að kvöldi til, þá vorum við svangir. McDonalds var þarna við hlið vallarins, við fórum alltaf og spurðum hvort þær ættu hamborgara,“ sagði Ronaldo.
,,Edna og tvær aðrar stelpur voru frábærar við okkur. Ég vona að þetta viðtal hjálpi mér að finna þær, ég vil borga þeim til baka.“
Nú hefur ein af þessum konum stigið fram. ,,Þeir komu alltaf og báðu um hamborgara sem voru eftir,“ sagði Paula Lace.
,,Einn af þeim var Cristiano Ronaldo, hann kom oftast af þeim. Þetta gerðist nánast á hverju kvöldi, ég hafði sagt syni mínum þetta en hann trúði því ekki.“
,,Ef Ronaldo myndi bjóða mér í kvöldmat, þá færi ég alltaf.“