Það er ný stjarna komin upp á sjónarsviðið í knattspyrnunni en sá strákur ber nafnið Erling Braut Haland.
Haland er 19 ára gamall Norðmaður en hann skrifaði undir samning við RB Salzburg fyrr á þessu ári.
Haland kom til félagsins frá Molde í Noregi þar sem hann skoraði 14 mörk í 39 deildarleikjum sem táningur.
Strákurinn er einn allra efnilegasti leikmaður heims og er byrjaður að raða inn mörkum með Salzburg.
Norðmaðurinn hefur skorað 12 mörk í níu deildarleikjum sem er stórkostlegur árangur.
Hann skoraði þrennu fyrir lið Salzburg í kvöld sem vann sannfærandi 6-2 sigur á Genk í Meistaradeildinni.
Haland var að leika sinn fyrsta leik í Meistaradeildinni og er nú aðeins þriðji táningurinn til að skora þrennu í fyrsta leik.
Erling Braut Haland (19) is making a name for himself.
? U20WC top scorer (9 goals)
This season:
⚽️ League
7 games
11 goals, 4 assists? Cup
1 game, 3 goals⭐️ UCL
1 game
3 goals – first half hat trick!— Richard Amofa (@RichardAmofa) 17 September 2019
Hinir tveir eru þeir geðþekku Wayne Rooney og Yakubu en fleiri hafa ekki náð þessum merka áfanga.
Haland er fæddur í Leeds á Englandi en hann er sonur Alf-Inge Haland sem er fyrrum leikmaður Nottingham Forest, Leeds og Manchester City.
Hann hefur allan sinn feril þótt vera efnilegur og lék fyrir öll yngri landslið Noregs. Í dag Haland hluti af norska aðalliðinu og á að baki tvo leiki.
Það er ekki líklegt að strákurinn verði lengi hjá Salzburg þó að hann hafi gert fimm ára samning í janúar.
Haland er svokallaður ‘target senter’ en hann er 194 sentímetrar á hæð og er afar öflugur í loftinu.