William Saliba, leikmaður Arsenal, er byrjaður að æfa með liðinu en hann var keyptur í sumar.
Saliba er aðeins 18 ára gamall en hann var keyptur fyrir 27 milljónir punda frá Saint-Etienne.
Leikmaðurinn var þó lánaður strax aftur til Frakklands og er því ekki í leikmannahópi enska liðsins.
Hann er þó mættur til London og byrjaður að æfa þar því hann jafnar sig nú eftir hnéaðgerð.
Saliba hefur æft ásamt Kieran Tierney sem kom einnig til Arsenal í sumar og er að jafna sig af meiðslum.
Saliba meiddist um miðjan ágúst en það styttist í að hann geti stigið aftur út á völlinn.