Ólafur Ingi Skúlason, fyrirliði Fylkis og fyrrum landsliðsmaður í knattspyrnu, er í skemmilegu spjalli við Jóhann Skúli. Um er að ræða hlaðvarpsþáttinn, Draumaliðið.
Þar velur Ólafur sína bestu samherja á ferlinum og segir skemmtilegar sögu. Árið 2004 var Ólafur í herbúðum Arsenal og sögusagnir voru um að hann kæmi til Íslands á láni.
,,Ég var í brasi 2004, með varaliðinu bara. Þá voru kjaftasögur um heimkomu en ég var lítið að spá í því,“ sagði Ólafur í þættinum.
Ólafur Þórðarson, þá þjálfari ÍA ákvað að hringja í Ólaf og skilaboðin voru einföld, eins og Óla er lagið.
,,Einn daginn hringir síminn, þá var það Óli Þórðar. Þá hafði hann heyrt af því að það væri eitthvað hugsanlegt. Hann hringir og ég segi að hann sé pottþétt að reyna að fá mig í ÍA, eða eitthvað. Ég hafði unnið með honum í U21 og þekkti hann mjög vel.“
,,Hann spurði mig hvort ég væri á leið heim og ég sagðist ekki vita það, þá kom, “Það eru bara aumingjar sem koma heim“. Hann sagði mér að vera áfram úti, hann gaf mér spark í rassinn. Mér datt ekkert í hug að koma heim þá, það kom ekki upp af neinni alvöru.“
Skilboðin til Ólafs frá Óla Þórðar virðasta hafa náð vel í gegn enda snéri Ólafur Ingi ekki aftur heim til Íslands fyrr en árið 2018, 13 árum eftir símtalið.
Viðtalið við Ólaf er hér að neðan.