Sif Atladóttir, landsliðskona, birti fallega færslu á Instagram í kvöld þar sem hún þakkar fyrir fallegar samúðarkveðjur.
Eins og flestir vita þá lést Atli Eðvaldsson, fyrrum landsliðsmaður, á dögunum eftir baráttu við krabbamein.
Sif er dóttir Atla og hafa undanfarnir dagar væntanlega verið erfiðir fyrir bæði hana og hennar fjölskyldu.
,,Ég vil þakka öllum fyrir fallegar samúðarkveðjur síðastliðna viku. Það hefur verið dásamlegt að lesa og heyra frá ykkar tengslum við föður okkar,“ skrifaði Sif á meðal annars.
,,Brosmildi og jákvæðnin hans var eitthvað sem einkenndi hann og var hans styrkur í gegnum hans ævi og hefur verið hans leið að tengjast öðrum á lífsleiðinni.“
Atli var dáður hér á landi og fékk ófáar fallegar kveðjur á samskiptamiðlum úr ýmsum áttum.
Hér má sjá færsluna í heild sinni.