Javi Gracia var rekinn frá Watford um helgina en það er ákvörðun sem kom mörgum í opna skjöldu.
Watford endaði í 11. sæti úrvalsdeildarinnar undir stjórn Gracia á síðustu leiktíð og komst einnig í úrslit FA bikarsins.
Gracia var rekinn eftir slæma byrjun á þessari leiktíð og viðurkennir að hann sé heldur hissa.
,,Ég vil koma því á framfæri hversu hissa ég er eftir besta tímabil í sögu Watford,“ sagði Gracia.
,,Ég virði þessa ákvörðun og ítreka að samband mitt við eigendurna er frábært og það mun ekki breytast.“
,,Ég er þakklátur félaginu að leyfa mér að stýra því í ensku úrvalsdeildinni. Reynslan hefur verið frábær og nokkur sérstök augnablik eins og að komast í úrslit FA bikarsins.“
,,Ég vil þakka öllum sem vinna hjá félaginu og hafa gert mér auðvelt fyrir á hverjum degi.“
,,Að lokum vil ég þakka stuðningsmönnunum fyrir stuðninginn alveg frá fyrsta degi.“