Hörður Snævar Jónsson skrifar frá Elbasan:
Aron Einar Gunnarsson, fyrirliði íslenska landsliðsins sat fyrir svörum á fréttamannafundi í Albaníu í dag. Aron missteig sig í Albaníu árið 2013 eins og frægt varð, hann talaði um að Albanir væru glæpamenn.
Fyrirliðinn þroskaðist mikið og lærði af atvikinu. ,,Ég lærði mikið af þessu, ég lærði inn á sjálfan mig,“ sagði Aron.
RÚV og Geir urðu alveg brjáluð: „Þá sáum við mann sem var ber að ofan með haglabyssu á bakinu“
Glæpamanna ummælin vöktu ekki neina reiði í Albaníu en íslenska þjóðin var hneyksluð. ,,Ég var ungur og vitlaus á þessum tíma, maður var bara vitlaus. Ég hef þróast sem fyrirliði og persóna, jafnt og þétt. Allan minn feril.“
,,Ég gerði mistök, maður þarf að læra af þeim. Ég gerði svo sannarlega mistök þarna.“
Íslenska liðið mætir heimamönnum á morgun í undankeppni EM, erfitt verkefni en sigur er það eina sem er í boði. Baráttan á toppi riðilsins er hörð en Tyrkir og Frakkar hafa 12 stig líkt og Ísland.