Gary Neville, fyrrum leikmaður Manchester United, hefur tjáð sig um fyrrum samherja sinn, Roy Keane.
Keane var sparkað burt frá United árið 2005 en samband hans og Sir Alex Ferguson var ekki gott seinni ár ferilsins.
Keane gagnrýndi liðsfélaga sína harkalega í viðtali árið 2004 og tókst aldrei að snúa blaðinu við eftir það.
Ferguson lét leikmenn United horfa á það viðtal með Keane í klefanum og vissi Neville um leið að Írinn væri á förum.
,,Ég sá það sama gerast með David Beckham en það gerðist á um sex til átta mánuðum hjá United,“ sagði Neville.
,,Með Roy og stjórann þá voru alltaf góðar líkur að eitthvað myndi fara úrskeiðis.“
,,Stjórinn kom í búningsklefann og um leið og hann sagði að við þyrftum að horfa á myndband þá vissi ég að þetta væri búið.“
,,Ég þekkti Roy og ég þekkti þjálfarann og taldi að þetta væri búið spil.“